Poslovne vijesti - Makedonija

До стан со евтин кредит

НЛБ Тутунска банка во соработка со "Адора инженеринг" воведе нов станбен кредит со досега историски најниска, единствена каматна стапка од само 2,5% фиксна за првите три години од отплатата на кредитот и 5,5% за наредните две години.

Во процесот на реализација на оваа понуда за единствен станбен кредит подеднакво учествуваат и двете компании: НЛБ Тутунска банка со намалување на каматната стапка на станбениот кредит, а "Адора инженеринг" со субвенционирање на дел од каматата во периодот од првите три години од отплата на кредитот.

- Како резултат на долгогодишната соработка со "Адора инженеринг", воведовме нов продукт единствен од својот вид на пазарот - станбен кредит со досега историски најниска, единствена каматна стапка од 2,5% фиксна за првите три години од отплата на кредитот и без трошоци за одобрување за примени апликации за кредит до 31 јули 2013 година, притоа каматната стапка за следните две години ќе биде 5,5% (фиксна каматна стапка) и 6,9% (променлива каматна стапка) за остатокот од периодот. Учеството се движи од 25% до 30% - вели Ѓорѓи Јанчевски, претседател на Управниот одбор на НЛБ Тутунска банка.

Заедничкиот проект помеѓу НЛБ Тутунска банка и "Адора инженеринг" ќе трае 6 месеци.

- Преку реализирањето на овој заеднички проект со "Адора инженеринг", НЛБ Тутунска банка уште еднаш докажува дека е банка од доверба, банка која знае да слуша, разбира и советува и да се грижи во целост за своите клиенти - изјави Јанчевски.

Становите, како што информира проф. д-р Ванчо Чифлиганец, генерален директор на "Адора инженеринг" се во Скопје и Охрид, а цената за станбениот квадрат се движи од 930 до 1.370 евра.